O Comité de Empresa de Intelcia Unísono Vigo di: abonda xa. Tras meses de políticas laborais abusivas e falta de diálogo, convocamos mobilizacións e folga para os vindeiros 14 e 15 de abril.
¿Por que imos á folga en Intelcia?
A situación volveuse insostible por varios motivos que afectan directamente ao noso día a día:
- Recortes no teletraballo: A empresa está a cambiar as normas unilateralmente (como no servizo de ING) sen negociar coa representación dos traballadores.
- Desigualdade territorial: Non somos menos que ninguén. En servizos como o de Banco Sabadell, os compañeiros de Madrid teñen máis teletraballo que en Vigo. ¿Por que esta discriminación?
- O “conto” dos portátiles: Oblígannos a cargar co equipo todos os días baixo a escusa de “alertas meteorolóxicas”, pero a realidade é que non existe ningún protocolo oficial. É unha falta de respecto ao noso esforzo e á nosa saúde.
Calendario de mobilizacións
- 14 de abril: Concentracións diante do centro de traballo. ¡Faite oír!
- 15 de abril: Xornada de FOLGA TOTAL.
Desde a sección sindical de CCOO e a maioría do Comité, temos claro que se o servizo para, a empresa perde. E se perden cartos, terán que empezar a tratarnos como persoas e non como simples números.
¡Unidos somos máis fortes! Participa e defende o que é teu.